孕初期(0-3個月)
葉酸 Folic Acid
想懷孕或懷孕前期記得要補充葉酸呀!我地阿媽可能唔知咩係葉酸同有咩好,但係身為現今媽咪或準媽咪一定要知,因為葉酸既好處係得到研究證實的。
建議葉酸攝取量約:400-800mcg。
在懷孕前三個月及懷孕初三個月都要補充,因為葉酸有助胎兒神經系統發育,並降低神經管畸形及唇裂胎兒的出生。
注意:孕媽咪就要飲少D茶同酒或避免攝取,因為茶類具有利尿的作用,會加速體內葉酸的排出,而酒類會降低腸道對葉酸的吸收,促使體內將葉酸排除,所以,不建議在補充葉酸的時候飲用。 某D藥物都要特別注意:阿斯匹靈、制胃酸藥物、雌性素、降膽固醇藥、抗癲癇藥或磺胺類藥物等都會導致葉酸吸收利用率降低,若有媽咪服用以上藥物請與營養師或醫生討論。
點樣可以增強葉酸吸收:可攝取維生素C,因為維生素C可以防止葉酸被氧化,維持活性。
含葉酸食物:蘆筍、燕麥、牛奶、椰菜花、肝臟、蛋黃、胡蘿蔔、奇異果、綠色葉菜類、豆類、柑橘類都可以。
孕中期(4-6個月)
孕婦綜合維他命:
可補充孕婦日常營養所需,尤其習慣出街食飯同instant food既孕媽咪可提供番日常飲食未能滿足既營養需要。(呢個時候葉酸片可以停,因為孕婦綜合維他命丸一般會包含葉酸約400-500微克,份量就每家廠牌都有D唔同。)
建議媽咪都係以日常飲食補充為主,保持有菜有肉有飯為原則!深色綠色蔬菜3份/水果水果2份/牛奶2杯250ml。
鈣片:
(唔想抽筋記得補!)鈣片會係整個孕期需要的,建議媽咪每日應補充1000 -1200mg,補充鈣片預防媽咪鈣質被寶寶吸收,造成血鈣不平衡或是骨質疏鬆及腳抽筋、牙齒鬆脫等狀況發生。(35歲以前好好補充鈣質,鈣可留存在骨頭裡;但一旦35歲後先攝取,只能留存係血液)鈣質最佳代表食物:奶製品、小魚乾、核果類、深綠色蔬菜、海帶、海藻類、豆製品、深色蔬菜、黑芝麻等,建議:每天喝兩杯牛奶(一杯250ML牛奶,含300mg的鈣含量) 注意:草酸食物避開,因為草酸會阻斷鈣質吸收,若服用含草酸的蔬果與鈣結合容易形成草酸鈣,通常呢D食物含有草酸:菠菜、莧菜、韭菜、茶、咖啡、花生、芹菜、蘿蔔、蘆筍等都需要注意。
仲有就係如果服用鈣片後,要服用鐵劑或是補充鐵質食物,請相隔約4小時之後再服用!
DHA動物魚油及藻油:
建議每天攝取劑量至少200mg,有助胎兒腦部神經細胞及視網膜細胞及神經組織既發育,同時可降低早產機率。另外有助於孕媽咪緩和懷孕及產後記憶力下降狀況及降低產後憂鬱等。
注意:若服用動物魚油,請在32週時停用(生產前一個月停藥),才不會導致生產時大出血狀況發生。仲有魚油亦不宜與鈣片一齊食,因為會降低彼此吸收。 最佳食物代表:建議可一周吃2~3次深海魚類,並多變換種類魚種如秋刀魚、鯖魚、鮪魚、三文魚等,以降低重金屬危害。
注意:若媽咪係食魚油丸,請注意裡面的EPA及DHA的劑量,營養師建議每日1000mg(EPA跟DHA比例:3:2)。
益生菌Probiotics:
分過敏型及腸胃型的益生菌。因為到中後期的孕媽咪,腸胃蠕動變慢,這時候就會需要益生菌黎協同,讓孕媽咪免於便秘所苦。益生菌就看每個媽咪有冇便秘自己決定食唔食。至於抗過敏型的益生菌就建議媽咪,如果家族親人有過敏症狀,都係要是要食哦!
媽媽奶粉:
通常是針對某D無法吞藥或是孕吐嚴重以及體重過輕的孕媽咪使用;或是孕媽咪每餐之間既小食也可以用媽媽奶粉充飢。媽媽奶粉也會建議媽媽可以放到生產完哺乳期間飲用,可以增加媽咪既奶量!
孕後期(7-10個月)
卵磷脂Lecithin又稱蛋黃素:
建議媽咪從孕期第七個月服用1200mg,有助於產後哺乳順利且順暢,不易有塞奶等狀況。產後哺乳可以依照塞奶狀況,增加卵磷脂的服用劑量約3600mg至4800mg。 主要食物來源:蛋黃及黃豆或是果仁及動物內臟都有。(也可以豆漿補充)
珍珠粉:
補充鈣,此為碳酸鈣。對於食左係咩令BB皮膚好D,呢方面就未有醫學證明!
燕窩:
以中醫角度黎講燕窩含豐富胺基酸,以及多種礦物質同膠原蛋白,性溫味甘,非常適合孕婦食用。但對於食左係咩令BB皮膚好D,呢方面就未有醫學證明!
下次同大家分享孕婦日常餐單,點樣可以長胎又唔會變肥婆😂😂😂